ធ្វើជូនតាមសន្យា៖ វិទ្យាល័យអន្លង់ធំ ស្ថិតក្នុងឃុំខ្នងភ្នំ ស្រុកស្វាយលើខេត្តសៀមរាប

អគារសិក្សាថ្មីនេះ បានសម្រេចការងារបានរួចរាល់ ១០០ភាគរយ នាដើមខែឧសភា ឆ្នាំ២០២៦កន្លងទៅ ដោយគ្រោងនឹងបើកដំណើរការជាផ្លូវការសម្រាប់ការសិក្សារបស់សិស្សានុសិស្ស នៅក្នុងបវេសនកាលថ្មីខាងមុខនេះ ក្នុងគោលដៅឆ្លើយតបនឹងកំណើនសិស្សានុសិស្សពីមួយឆ្នាំទៅមួយ និងជួយសម្រួលដល់ការចំណាយរបស់អាណាព្យាបាលសិស្ស ក៏ដូចជាសុវត្ថិភាពក្នុងការធ្វើដំណើររបស់សិស្សានុសិស្សផងដែរ។ ជាងនេះទៅទៀត វិទ្យាល័យថ្មីនេះ នឹងជួយកាត់បន្ថយអត្រាបោះបង់ការសិក្សាកម្រិតវិទ្យាល័យ ក្នុងគោលដៅពង្រឹង និងអភិវឌ្ឍមូលធនមនុស្សបន្ថែមក្នុងសហគមន៍ និងសង្គមជាតិក្នុងពេលអនាគត។